REGRETS
HEROIQVES
DV SOLDAT
AMOVREVX.

 

AV profond d’vn valon, dés l’enfance du monde,
Est vn Temple fameux d’vne figure ronde ;
Quatre portes de fer en quatre endroits diuers,
Par l’ordre des destins partagent l’Vniuers ;
L’vne est vers le Couchant, & l’autre vers l’Aurore,
L’vne void le Sarmate, & l’autre void le Maure ;
Et là viennent en foule & sous d’esgales loix,
Les ieunes & les vieils, les peuples & les Rois :
La vieillesse, la fievre, & les douleurs mortelles,
Sont de ces huys sacrez les portieres fidelles ;
Leurs habits sont de deüil, & cét obscur manoir
A ses funestes murs entourez de drap noir,
Où des flambeaux de poix les lumieres funebres,
Par leurs noires vapeurs augmentent les tenebres ;
Dans vne Isle deserte est ce valon affreux,
Qui n’eust iamais du Ciel vn regard amoureux ;
Sous ces climas glacez où le flambeau du monde,
Espand auec regret sa lumiere feconde,
Nature pour toute herbe, y produit des poisons,
Et l’hyuer y tient lieu de toutes les saisons,
Tous les champs d’alentour, ne sont que cymetieres,
Mille sources de sang, y font mille riuieres,

page précédent(e)

page suivant(e)