Anonyme [1649], RECVEIL DE PLVSIEVRS PIECES CVRIEVSES, TANT EN VERS, QV’EN PROSE. IMPRIMÉES DEPVIS l’enleuement fait de la personne du Roy, le 6 Ianuier 1649. iusques à la Paix,
qui fut publiée le 2. iour d’Auril de la mesme année. ET autres choses remarquables arriuées depuis ce temps-la iusques à l’heureux retour de sa Majesté dans sa bonne Ville de Paris, qui fut le 18. iour d’Aoust 1649. , françaisRéférence RIM : M0_3041. Cote locale : C_7_1.
-- 7 --
de les pouuoir rendre plus souples & plus
obeïssans par cette diabolique maxime,
les reduisent à vn desespoir extréme,
& s’attirans leur haine & leur rage, les
obligent à murmurer & à se sousleuer
contre eux ; Et le plus grands mal qui
arriue à ces imprudens & insatiables
Ministres, c’est qu’ils s’attirent le blâme,
les iniures & les maledictions de
tout le monde, & qu’ils sont en execration
parmy tous les gens de bien : Estant
veritable que comme l’honneur & la bonne
renommée sont les plus precieuses recompenses
de la Vertu, & que les cœurs
genereux les preferent à tous les tresors
du monde ; il est vray aussi que la honte, le
blâme & les imprecations sont les plus
cruels & les plus cuisans chastimens qu’on
puisse donner au vice : Et ie ne doute point
que ceux contre lesquels toutes ces pieces
inuectiuent le plus souuent ne soient enragez
|