toute sa posterité, le glorieux tiltre de Noble
Venitien ; a fait saisir tous ces biens, sommes, ou
meubles qu’il auoit retiré à Venise, pour apres en
rendre compte au Roy, quand elle le sçauroit en
repos auec son peuple.

C’est ainsi que tout le monde prend part à nos
desplaisirs, comme ils esperent de prendre part
à nostre ioye, quand nous serons deliurez de sa
tyrannie ; & nous ne deuons point douter que
cela n’arriue bien-tost, puisque nous auons la Iustice
pour nous, que tant de genereux Princes
prennent nostre party, tant d’augustes Senateurs
veillent pour nostre bien & pour nostre defence,
tant de Prouinces se ioignent auec nous, pour
s’estre veues encore plus mal-traittees que nous
par ses voleries ; & qu’enfin toute la terre demande
nostre repos, voire mesme nos ennemis,
qui ces iours passez nous ont offerts leurs forces
pour nous deffendre, & ont voulu faire la paix
auec nous, voulant gouster de ses douceurs,
apres s’en estre veu priuez depuis tant d’années :
Dieu nous vueille la donner, puis qu’il est le seul
qui la dispense comme sa fille bien-aimée, & que
c’est de sa main seule que nous la deuons attendre.
Ce sera quand nous nous serons entierement