Anonyme [1649], RECITS VERITABLES De ce qui s’est fait & passé à Rome & à Venise par sa Sainteté, & par la Republique, contre Iulle Mazarin. , françaisRéférence RIM : M0_3032. Cote locale : C_9_9.
page précédent(e)

page suivant(e)

-- 6 --

troupeau, & comme il veille tendrement au
bien de ses fidelles, en effect il sçait qu’il n’on a
point de plus affectionnez pour le sainct Siege,
puisque nos Roys ont esté de tout temps les fils
ainez de son Eglise, & qu’ils ont embrassé ses interests
auec tant de sincerité, de courage & de zele.

 

Recit veritable de ce qui c’est fait & passé à Venise
par la Republique contre Iule Mazarin.

Sa Saincteté toute seule n’a pas embrassé les
interests de la France, puisque tant d’autres sont
portez pour sa conseruation. Cet auguste Senat
de la Republique de Venise, qui a conserué de
tout temps vne allience si estroite auec la France,
ayant sçeu les desordres qu’auoit causé l’insolence
de ce Ministre, auquel (pour tesmoigner le
respect qu’elle portoit au Roy) elle auoit auparauant
octroyé la qualité de Noble. Venitien,
non pas qu’elle l’en iugea digne, mais croyant
d’obliger le Roy & toute la France en cette rencontre,
a reuoqué & cassé tout ce qu’elle auoit
fait auparauant en sa faueur, l’a declare perturbateur
& ennemy du repos public de France, indigne
de posseder iamais ny luy ny son pere, (auquel
on auoit aussi octroyé cette grace) ny



page précédent(e)

page suivant(e)