Anonyme [1649], RECITS VERITABLES De ce qui s’est fait & passé à Rome & à Venise par sa Sainteté, & par la Republique, contre Iulle Mazarin. , françaisRéférence RIM : M0_3032. Cote locale : C_9_9.
page précédent(e)

page suivant(e)

-- 4 --

qu’il croyoit, & de brauer la fortune, & de donner
des loix a toute la terre, voit enfin sa puissance
diminuée, son authorité anneantie, ses fourberies
& ses meschancetez reconnuës, & n’attend
qu’vn reuers entier de la roüe, pour se voir abysmé
dans les precipices ou l’a iette son insolence.

 

La France a enfin secoüé son ioug, & luy a fait
connoistre qu’estant trop facile à endurer, elle se
lasse à la fin de la tyrannie, lors que toutes ses forces
sont espuisées ; & ce souuerain Chef d’Eglise
prenant l’interest de Dieu comme son premier
Vicaire, faisant éclater sa bonté, a voulu monstrer
qu’il sçauoit chastier les vices de ceux qui
dependoient de sa Sainteté, comme il en sçauoit
recompenser les merites : Ie veux vous faire part
de sa bonté dans ce recit, & comme elle protege
la France auec toute la sincerité possible.

Comme par les sollicitations du Roy deffunt
d’heureuse memoire, le Pape Vrbain huitiesme
aussi d’heureuse memoire octroya à ce Chef indigne
vn Chapeau de Cardinal, croyant qu’il
n’en abuseroit point. Et comme apres la mort du
Roy cet arrogant par ses ruses & par ses subtilitez
auoit si bien fait, qu’il s’estoit attribue le maniement
de toutes les affaires de France, ayant



page précédent(e)

page suivant(e)