RECIT
VERITABLE DES DISCOVRS
tenus entre les trois Figures qui
sont sur le Pont au Change, sur les
affaires de ce temps.
AYANT souppé chez vn de mes amis le iour du Mardy Gras,
ie partis sur les vnze heures du soir pour retourner en mon logis,
sans peur aucune des filoux, dont l’absence de la Cour nous garantit.
Ie rencontré fort peu de monde par les ruës ; Le Blocus
de cette ville & la Conjoncture des affaires presentes, ayant interdit
les rejoüissances que l’on a coustume de prendre en ces iours, nommément
sur le Pont au Change où ie passé, ie ne vis qui que ce fust. Ce qui
me fit arrester tout court le lacquais qui portoit vn flambeau deuant moy,
ayant entendu cracher plusieurs fois comme vne personne qui s’appreste
à discourir : Ayant regardé de tous costez sans voir personne, ie leué les
yeux en hault, & reconneus que c’estoit la Figure du feu Roy, qui par vn
prodige tout nouueau auoit l’vsage de la parole. Cela m’eust estonné dauantage
en vn autre temps que celuy-cy où nous ne voyons que merueilles,
& choses tout à fait esloignées de l’ordinaire, ma curiosité me fit arrester
tout court, & i’entendis mot pour mot les discours suiuans, que i’ay
trouuez trop considerables pour n’estre pas reuelez au public, ayant pour
tesmoings irreprochables deux lacquais qui me suiuoient, & toutes les Enseignes
qui sont dessus le Pont. La Figure du feu Roy dans la mesme posture
qu’elle est, ayant seulement incliné la teste, parla ainsi qu’il suit, à la
Reyne.
MADAME, l’esperance que i’ay toujours euë, que vous seriez cesser
les desordres de l’Estat, m’a fait long temps demeurer dans le s[2 lettres ill.]ence mais
voyant les choses dans l’extremité, tout le Royaume du Roy vostre fils & du
mien, dans vne guerre espouuentable & en proye aux ennemis. Ie n’ay pû
rester dauantage, sans vous dire que vous estes [Illisible.]
faire cesser tous ces troubles, [Illisible.]