Anonyme [1650], RECIT VERITABLE DE TOVT CE QVI S’EST FAIT ET PASSÉ A L’ENTREE DV ROY EN LA VILLE D’AVXERRE. AVEC LES HARANGVES faites à Leurs Majestez par Messieurs du Clergé de ladite ville. , françaisRéférence RIM : M0_3018. Cote locale : A_9_28.
page précédent(e)

page suivant(e)

-- 4 --

Il descendit à l’Euesché auec la Reyne & Monsieur.
Tous les Corps de la ville l’attendoient dans la salle de
l’Euesché. Leurs Majestez passerent par le milieu, &
entra le Roy dans la chambre de la Reine pour se chauffer.
Vn peu de temps apres Monsieur Sainctot maistre
des ceremonies sortit de la chambre de la Reyne, & appella
tout haut Messieurs du Clergé : Le Chapitre entra.
La Reyne estant au milieu du Roy & de Monsieur, le
Roy se descouurit à l’entrée, & se recouurit. Monsieur
estoit descouuert, son Eminence & toute la Cour de
mesme. Celuy qui porta la parole pour le Clergé dit en
ces termes.

SIRE,

Nous venons aux pieds de Vostre Majesté pour y
rendre les debuoirs de nostre obeissance & fidelité :
Nous esperons que nous serons d’autant plus volontiers
ouys, que c’est l’Eglise laquelle enseigne à tous vos
subjets la mesme fidelité & obeissance enuers V. M.
C’est la Religion Chrestienne qui enseigne de rendre à
Cæsar, c’est à dire à V. M. ce qui luy appartient ; ainsi
qu’elle enseigne de rendre à Dieu ce qui luy est deub.
Vos armes & vos canons, sur lesquels on a graué ratio
vltima Regum, tesmoignent bien qu’ils ne sont pas si
puissans que la Religion, d’autant que V. M. n’a point
recours à ses armes qu’à l’extremité, & contre les rebelles :
Mais la Religion seule & en tout temps, & enuers
tous, dispose & gaigne les cœurs de vos subjets & leurs
affections enuers V. M. C’est pourquoy depuis que ce
Royaume est Chrestien, les Rois vos predecesseurs ont



page précédent(e)

page suivant(e)