Anonyme [1650], RECIT VERITABLE DE TOVT CE QVI S’EST FAIT ET PASSÉ A L’ENTREE DV ROY EN LA VILLE D’AVXERRE. AVEC LES HARANGVES faites à Leurs Majestez par Messieurs du Clergé de ladite ville. , françaisRéférence RIM : M0_3018. Cote locale : A_9_28.
page précédent(e)

page suivant(e)

-- 8 --

Frere & Seigneur, & la Reyne vostre tres-chere Mere,
toute la France mesme vous considerant comme l’autre
esperance de l’Estat ; & de mesme qu’on asseure les
grands vaisseaux sur mer chargez de precieuses marchandises,
ainsi Vostre Altesse est comme la seconde
& heureuse Ancre qui asseure la felicité & tout le bonheur
de cet Estat. C’est pourquoy nous sommes venus
pour vous asseurer que nous prions & prierons
Dieu tres-particulierement pour la santé, prosperité
& conseruation de Vostre Altesse.

 

Le present fait du pain & du vin, il remercia le
Chapitre, & prit vn pain duquel il voulut bien manger.

Pareillement se retira en son hostel Monseigneur
le Cardinal, où tous les Corps l’allerent salüer & le
Chapitre luy parla en ces termes.

MONSEIGNEVR,

Nous sommes icy pour rendre nos debuoirs
à vostre Eminence, qui est tesmoin de ce que
nous auons dit au Roy & à la Reyne ; en quoy s’il
nous est eschappé de dire quelque chose qui ne soit
assez appuré, nous supplions vostre Eminence d’estre
nostre Protecteur, dautant que nous l’auons fait
pour l’honneur & la gloire de l’Eglise. Nous ne
sommes pas du nombre de ceux qui voudroient que
les Ecclesiastiques ne s’aprochassent point de Leurs
Majestez : Nous estimons telles personnes ennemies



page précédent(e)

page suivant(e)