a vn [2 mots ill.], que vostre Conseil auroit eu grande
peine de resoudre s’il n’eust sceu que V. M. est fortifiée
de la vertu & force de son esprit. Voila, MADAME,
de grands sujets de veneration, qui nous font esperer
pour Vostre Majesté, SIRE, pendant vostre majorité
vn Royaume heureux, & pour vos peuples vn
gouuernement le plus doux & le plus bening qu’ils
ayent iamais experimenté, que Dieu amplifiera vostre
Royaume des Estats, Prouinces, Villes, & autres Places
de ses ennemis, s’ils ne deposent bien-tost leurs
armes : Et vous, MADAME, que vostre Majesté
croistra de iour en iour pendant la majorité du Roy
en credit, en authorité & puissance. Ce sont, SIRE,
les vœux & souhaits de l’Eglise d’Auxerre, que nous
accompagnerons de nos prieres pour la santé, prosperité
& conseruation de Vos Majestez.

Apres quoy le Chapitre fit son present ordinaire,
/> pain & vin : & la Reyne dit, que le Roy remercioit
l’Eglise, qui se retira ; & appella-t’on Messieurs du Presidial,
puis les autres Corps chacun en son ordre.

A la nuict Monsieur se retira en son hostel en vne
maison du Chapitre pour receuoir les Harangues des
mesmes Corps : Le Chapitre introduit pour estre oüy,
dit :

MONSEIGNEVR,

Nous sommes icy pour tendre nos debuoirs
à Vostre Altesse Royalle, le Roy vostre tres-honoré