Anonyme [1652], RECIT DE TOVT CE QVI s’est passé en Parlement le Samedy xxviij. Septembre. 1652. En presence de son Alt. Royale. OV EST CONTENV L’EMPRISONNEMENT de plusieurs personnes trouuées la nuict du Vendredy au Samedy dernier, semans des Placards par les ruës tendant à Sedition. AVEC L’ARREST DE LA COVR rendu contre lesdits prisonniers, toutes les Chambres assemblées: Et autres belles Particularitez. , françaisRéférence RIM : M0_2991. Cote locale : B_5_12.
page précédent(e)

page suivant(e)

-- 5 --

ils auroient entré dãs la maison & trouue à l’Imprimerie
la planche sur laquelle on auoit tiré les
Declarations cy dessus, laquelle planche ils auroient
defaite, & en suitte conduit lesdits deux
hommes au corps de garde de la porte S. Iacques,
où ils auroient esté gardez tout le reste de
la nuict.

 

Sur les cinq heures du matin vn nommé
Mouchy a este surpris dans le fauxbourg sainct
Iacques, qui distribuoit à plusieurs des pieces
de trente-quatre sols, & auoit ordre d’en distribüer
iusques au nombre de trois milles, pour
attrouper quatre milles personnes, afin de faire
vne émotion & sedition, tant contre Messieurs
les Princes, que tous ceux que l’on verroit s’interesser
pour leur party.

Ledit Mouchy estant pris, il fut amené au corps
de garde de la porte S. Iacques, où estant auec
les autres qu’ils auoient pris la nuict, le Capitaine
fit commandement de les conduire au Palais
d’Orleans, pour les presenter à S. A. R.
lequel commanda de les mener au Parlement,
où il se rendroit sur les huict heures du matin,
ce qu’il fit : & iceux presentez à la Cour assemblée
en la Chambre de la Tournelle, laquelle
auroit mandé Messieurs des Requestes du Palais
de venir prendre seance, pour deliberer ce
qu’il y auoit à faire : De sorte qu’apres auoir ouy



page précédent(e)

page suivant(e)