Anonyme [1649], QVESTIONS EN FORME DE DIALOGVE, Du Conseil de Conscience, au Conseil d’Estat. Auec les Responses. , françaisRéférence RIM : M0_2952. Cote locale : C_6_78.
page précédent(e)

page suivant(e)

-- 4 --

OBIECTION A LA RESPONSE.

Mais, Messieurs, s’est-il veu iamais Fauory, qui n’ait absolument
abusé des graces de son Maistre ? Que ne fit pas
Seianus, Fauory de Tibere, contre vn Prince qui l’auoit
eleué dans des charges & dans des honneurs incroyables ?
Il l’auoit fait si grand, qu’à peine le peut-il deffaire : il falut
que la ruine de l’Estat fut le fondement de sa grandeur,
aussi bien que la cause de sa perte.

Catilina apres auoir esté mis dans vne prodigieuse fortune,
par vn Peuple qui s’estoit rendu Maistre de toute la
terre, ingrat à tant de faueurs qu’il en auoit receuës, n’extermina-t’il
pas le Senat ? ne dissipa-t’il pas les tresors publics ?
& ne renuersa-t’il pas toute la Republique ? Cinna
surnommé Lucius Cornelius, ne fut pas si tost comblé de
biens & de gloire, & par Cesar Auguste à qui mesme ce grand
Prince auoit sauué la vie, qu’il conspira contre luy, tant il
/> estoit possedé d’vne ambition qui n’en eut iamais de pareille.
Antoine, Lepidus, & Auguste mesme, ne mirent-ils
pas le fer & le feu dans le sein d’vn Estat à qui ils auoient
des obligations eternelles.

Les Histoires Sainctes, curieuses & prophanes, ne nous
fournissent que trop d’exemples de cette nature. Vn nombre
infiny de ces sangsuës publiques, ont fait plusieurs fois
succomber les grandeurs des Royaumes les plus florissans,
pour assouuir vne ambition qui ne sçauroit iamais estre assouuie.
Et apres cela, Messieurs, vous voudriez conclure
que les Princes doiuent auoir des Fauoris, veu qu’ils sont si
traistres & si parricides à leurs Souuerains, si tyrans à l’Estat,
& si funestes au Peuple.

Dieu veut que les Princes soient sauuez, & veritablement
il n’est pas moins mort pour eux, que pour le reste des hommes.
Et comment se pourroit-il faire que cela fut, s’ils
estoient la cause de tous les crimes que leurs Fauoris exercent.

De grace, dites moy si ces Tyrans seroient en estat de
mettre en pratique, toutes les voleries qu’ils font sur le pauure



page précédent(e)

page suivant(e)