Anonyme [1649], QVESTION, S’IL Y DOIT AVOIR VN PREMIER MINISTRE DANS LE CONSEIL DV ROY. RAISON D’ESTAT ET POLITIQVE TRES-IMPORTANTE A DECIDER, pour le bien du Souuerain, & pour le Repos de la Patrie. , françaisRéférence RIM : M0_2950. Cote locale : C_6_77.
page précédent(e)

page suivant(e)

-- 20 --

yeux bandez & les mains coupées, afin qu’ils apprissent
par là à ne pas faire aucune iniustice.

 

Alexandre Seuere fit empaler son Secretaire, pour
auoir corrompu la Iustice par argent, pour auoir vexé
les pauures gens, & pour auoir maintenu les riches
dans leurs extorsions & dans leurs voleries.

Cambyses Roy de Perse fist escorcher Sisana tout
vif, pour auoir prononcé vn iugement contre sa propre
conscience.

Les menaces que Dieu fait aux Roys, aux Ministres
d’Estat, & aux Iuges de la terre, sont terribles : &
s’ils ne croyent point en Dieu, ny en sa parole en ce
monde par sa misericorde, ils seront forcez d’y croire
en l’autre par sa Iustice.

Apprenez & prestez l’oreille, vous Roys, Ministres,
& Iuges qui gouuernez les Peuples, & qui estes superbes
en la multitude des Nations, que la puissance vous
est donnée du Seigneur, lequel examinera diligemment
vos œuures, & vos pensées, pour vous faire voir
si vous auez equitablement iugé vostre prochain ; parce
qu’il a fait également le grand & le petit, & qu’il a
soin de toute la nature creée.

Voila vne merueilleuse instruction pour les puissances
terriennes, & qui sont endormies aux tenebres de
l’ambition mondaine, & qui mettent toute leur felicité
à se rendre grands & admirables au Peuple. Apprenez
maintenant à l’Escole du Sage, Esprits ambitieux,
à reformer vostre vie, puis que vous serez vn
iour iugez d’vn Iuge tres-Souuerain, de la mesme façon,
que vous aurez iugé les autres.

Le desordre qu’apportent ces Ministres d’Estat, qui
veulent vsurper toute l’authorité du Prince, font souhaiter
aux Peuples vne forme de gouuernement plus
douce mais il faut qu’ils sçachent, qu’il n’y en a pas vne
plus noble, ny mieux approuuée de Dieu & des grands
hommes, que la Royale.



page précédent(e)

page suivant(e)