QVESTION CARDINALE,
plaisamment agitée ou dasthicotée entre
vn Holandois & vn Suisse, & decidée
par vn François.
L’Autheur.
I’alois n’agueres réuant aux intrigues de ce temps dans vne
allée des Thuilleries, lors que ie vis venir à moy deux hommes
fort eschauffez en apparence pour le subjet d’vne dispute.
Ie crus d’abord que quelque coup de partie les auoit mis en
cette chaleur, & qu’ils me venoient prendre pour iuge de ce
differend, mais le compliment qu’vn des deux me fit à sa mode en m’abordant
me fit bien connoistre qu’il ne s’agissoit aucunement du icu, &
que cette question estoit beaucoup plus releuée ; l’vn estoit Suisse & l’autre
Holandois, à qui la langue Françoise n’estoit pas beaucoup familiere, ce
qui les faisoit parler d’vne grotesque façon, mais afin de n’oster rien de la
grace de leur discours, i’ay iugé qu’il seroit à propos de les introduire l’vn
apres l’autre, comme en vne Comedie, ou ie feray mon personnage lors
qu’il sera necessaire : Voicy donc comme le Seigneur Hollandois me fit son
cõpliment en m’ostant le chapeau, & me faisant la reuerence à la Flamande.
L’Holandois.
Sarueteu Man seur, vou m’excuse bienne che dmand pardone à vou,
vou porte bienne, & moye, i’àure fait vn gajur contre son visage de Seuiss
ie voudre bienne si voul veulle bienne voul entreteneir vn bon grand petit
demy heur, voufra faueur à moye & grand mercy à vou.
L’Autheur.
Messieurs, tres volontiers, mais ie ne sçay pas vostre different, si vous
voulez me faire la faueur de me le dire, ie tascheray de vous en donner
mon aduis.
L’Holandois.
A vouye à vouye Man-seur, vou Braue homme moy vien vous le dire
vou scàure don vn fois, que moy temeur al fau-bourg S. Semini à ceticy
qui prend cetila, & ce Man-seur le Souisseal pré au Cier, Ie ne scaure pa
à toul diable, i’àure fait rencontre de son visage, il madit, Pon chour
moy bon Souisse voul tu paye chopinte de vin pouru, iai dit que ie le voudre
bienne, & che lemene au caberet ou nous àure trinque de bon vine.
Le Suisse.
Non par me foye, Monsou pas pon, mai ie scàure vn pon pusque melieure,
al seigne du petite Carçonne d’archant, vez-vis la Croye qu’il tire.