Anonyme [1649], QVE LA VOIX DV PEVPLE EST LA VOIX DE DIEV. CONTRE LE SENTIMENT de celuy qui nous a proposé vne Question toute contraire. , françaisRéférence RIM : M0_2943. Cote locale : A_7_13.
page précédent(e)

page suivant(e)

-- 3 --

QVE LA VOIX DV PEVPLE
est la voix de Dieu.

Contre le sentiment de celuy qui nous a
proposé vne Question toute contraire.

NOVS deuons corriger ceux qui resistent
à la verité, auec quelque espece de modestie,
ainsi que sainct Paul nous l’enseigne,
en sa deuxiesme Epistre, escriuant
à Timothée Euesque d’Ephese ;
Veu qu’il ne leur est pas permis de blasphemer contre
cette fille du Ciel, en faueur de qui que ce puisse
estre. Cheminer sur les pas de cette illustre permanente,
dit le Prophete Samuel, c’est aimer Dieu de
tout son cœur, & de toute son ame, & son prochain
comme soy mesme, par vne consequence de necessité
bien tirée. Sainct Pierre veut que l’on se prenne
bien garde de ceux qui corrompent l’intelligence de
l’Escriture, & qui la tournent à leur sens, pour en faire
comme bon leur semble.

2. Tim. 2.
25.

Mich. 7. 5.

1. Roys. 2. 3.

2. Pierre.
3. 17.

Moyse le plus excellent & le plus parfait de tous
les Clair-voyans qui furent iamais, ny en la Loy Naturelle,
ny en la Loy escrite, nous defend d’adiouster
ny diminuer chose quelconque à la parole eternelle :
parce qu’elle est fondée sur des decrets irreuocables,
au sens du Prophete Royal Dauid : & parce qu’elle
sera tres-horrible à tous ceux qui n’y croiront pas, selon
l’esprit du Docteur des Gentils, ou pour mieux
dire, selon l’Oracle de la Verité incomprehensible.

Deut. 4. 2.

Psal. 6. [2 lettres ill.].
Hebr. 4. 12.



page précédent(e)

page suivant(e)