que la Voix de Dieu, & si vous ne consentez pas à la
grace que l’on vous demande, vous allez directement
contre la volonté de celuy à qui vous deuez toutes
choses. Cõsultez-le, ie vous en supplie, puis que vous
auez fait vœu de l’imiter, & si vous voulez faire comme
luy, vous ferez gloire de par donner à tous vos Sujets,
à cause de bien peu de iustes.

Gen. 15. 24.

La Clemence est vne habitude de la volonté, par
laquelle les Souuerains remettent facilement le tort
qu’il leur est fait, & par laquelle ils font voir qu’ils
ont quelques traits de Diuinité, qui ne se trouuent
pas au reste des hommes Dieu n’a ny feux ny foudres
pour les repentans, & sa misericorde fait sousmettre
ce diuin Seigneur aux volontez de celuy qui la luy
demande. Si Dieu oublie tous les crimes que nous
auons fait contre luy, pour l’amour de son Fils, que ne
deuez-vous pas faire pour nous en faueur de cet
Oinct sacré, que vous cherissez auec tant de tendresses ?
Oüy, MADAME, le pardon seul destruit la
coulpe, & la seule grace nous affranchit de toutes sortes
de crimes.

[1 mot. ill.] 33. 17.
Deut. 30. 3.
1. Rois 8.
31.

De quelle offense est-ce que toute la Nature humaine
ne s’estoit pas renduë criminelle enuers Dieu,
depuis la cheute d’Adam, iusques à la venuë du Sauueur
de nos ames ? Les Idolatres & les Sodomites
estoient si communs, que la terre en estoit toute couuerte.
Et qu’est-ce que ce bon Seigneur fist pour
se vanger d’vn Peuple qui l’auoit abandonné, & qui
ne le vouloit plus reconnoistre en façon quelconque.
Il leur enuoya son Fils pour leur donner le salut eternel,
& pour les instruire par mesme moyen à s’éleuer
au supréme degré de la grace & de la gloire. Voilà vn
chastiment bien amoureux, ce me semble, & digne
d’vn Dieu si clement, en faueur de tant de creatures
si abominables.

Nostre coulpe, quoy que bien grande, ne sçauroit