Anonyme [1652], PROPOSITION DEMANDÉE AV ROY par le Cardinal Mazarin, pour se retirer en l’vn des cinq lieux suiuans ; Sçauoir, Venise, Auignon, Cazal, Pignerolle & Sedan. , françaisRéférence RIM : M0_2912. Cote locale : C_12_50.
page précédent(e)

page suivant(e)

-- 5 --

cy-apres sa memoire ne puisse estre ternie de
tant de crimes qu’on luy a meritoirement
imposez.

 

Que les Arrests desdits Parlements donnez
contre luy & les siens soient reuoquez &
annullez, auec vne abolition generale de
tout ce qu’on lui a mis sus.

Que de tous les Benefices que sa Maiesté lui
a conferez en France, & des reuenus desquels
il a joüy. Sadite Maiesté en disposera ainsi
qu’elle lui plaira, à la reserue de quelque pension
assignée sur aucune d’iceux, qu’elle lui
octroyera pour auoir moyen de l’entretenir
hors de France.

Que la part où sadite Majesté commanra
qui se retire, il lui plaira lui faire donner
escorte asseurée tant pour sa personne que
celles des siens par tous les pais & lieux où il
passera, auec deffense à toutes personnes de
lui courir sus, ni lui donner aucun trouble &
empeschement à lui ni à ses Officiers en sa
marche, & ce iusques à la frontiere.

Qu’aux lieux ausquels sa Maiesté commandera
qu’il se retira, il lui plaira mander



page précédent(e)

page suivant(e)