fausse hypocrisie à regner, & sera impieté si
grande parmy les peuples que les heresies naistront
de tous costez. Alors verras-tu deux Religions
en cettuy Royaume de France, le pere
de l’vne, le fils de l’autre, le mary de l’vne, la
femme de l’autre. Or voilà de tous mal-heurs semence
iettée : mais tu n’est pas au bout, tour apparoistra
s’accorder, & si ne durera gueres. Il
viendra vn petit Roy qui ira par les villes de
son Royaume, & que l’on ne sçaura ce qu’il cherchera.
Sera si dira l’on pour ton bien & profit.
Helas pauure bon-homme ! les tailles si grandes
monteront que plus payer tu ne les sçaurois ;
les guerres si sanglantes, & de si grands brigandages,
que tu ne sçauras où cacher tu te deuras.
le te le dis, fay tes caches sur les grands chemins,
ils ne s’en defiront mie, ils ne feront que les passer :
mais en tes hebergemens tout ils descouuriront.
Toute fois fais en ce pays ce que tu voudras,
que sçaurois tu esquiuer le grand Rateau
qui viendra deuers la grande ville, passera à la
ville noire, & viendra à la ville blanche, & la
prendra. Et de là fera la procession à gauche
pour les autres prendre. C’est pour la fausse religion
abolir, ce fera l’on bruit. Ha pauure bonhomme,
ne le crois pas elle demeurera. Et apres
tu verras Roy contre Roy, Prince contre Prince,
peuple contre peuple, Prouince contre Prouince.

page précédent(e)

page suivant(e)