à Sa Majesté Tres-Chrestienne, & de tout ce qui
s’estoit passé à Stenay, il auroit receu l’ordre de proposer
par escrit ce qui s’ensuit.

Que Sa Majesté Tres-Chrestienne ayant dessein
d’embrasser tous les moyens qui peuuent plus facilement
& plus promptement faire cesser les maux
dont la Chrestienté est affligée, a eu bien agréable
l’abouchement propose entre Son Altesse Royale &
Son Altesse le Seigneur Archiduc, tesmoignant assez
en cette occasion combien elle désire la paix, puis
que pour l’obtenir & authoriser la negociation qui
s’en doit faire, elle consent volontiers que Monseigneur
le Duc d’Orleans son oncle, qui est la personne
la plus considerable de son Royaume, & qui par sa
naissance & l’employ de sa charge de Lieutenant général,
a le plus de part à la conduite publique, se donne
la peine d’y travailler, & qu’ayant convié Sadite
Altesse Royale de vouloir seconder ses bonnes intentions,
il a trouué toute la disposition & le zéle
qu’on devoit attendre d’vn Prince qui a tousiours
tesmoigné n’avoir autre intérest que le bien de l’Estat,
le repos & le soulagement des peuples, & qui
ayant conceu l’espérance de contribüer à vn succez
si avantageux des-lors que Son Altesse le Seigneur
Archiduc l’invita à vne conférence, a fait paroistre
vne satisfaction toute entiére de ce que la mesme occasion
s’est présentée de faire cesser par son entremise
& celle du Seigneur Archiduc les maux de la
guerre.

Que Son Altesse Royale sera suivie en ce voyage
de Monsieur le Duc de Longueville, de Monsieur
Molé Conseiller du Roy dans tous ses Conseils &
permier Président dans son Parlement, & que le
de Servien l’vn des Ministres de son Estat, & que le
choix que Sa Majesté a fait de leurs personnes en vne
occasion si importante n’empesche pas la liberté que