Anonyme [1649], POINT D’ARGENT POINT DE SVISSE. , français, latin, italienRéférence RIM : M0_2807. Cote locale : C_6_58.
page précédent(e)

page suivant(e)

-- 7 --

employer comme nous.

Vn grand Prince d’Italie nous ayant voulu mettre
en besogne sans auoir pourueu à nostre payement,
se trouua bien en peine, lors qu’apres luy
auoir demandé nostre solde & nous croyant amuser
auec des promesses & des paroles, nous nous saisismes
de sa personne, & ne fismes point de difficulté
de le liurer à son ennemy, pour luy apprendre
& à tous ses semblables, à ne se point ioüer de nous
comme quelques vns font de leurs soldats, lesquels
/> leuent des gens de guerre tant qu’ils peuuent, leur
promettent bonne paye, & apres les auoir enrolez
ou assemblez en corps d’armées, leur donnent la liberté
de piller mesmes leur propres suiets & prendre
par tout, deuenant par ce moyen de vrais pirates
ou conducteurs de voleurs.

Nous ne voulons tromper ny estre trompez de
personne, & si la solde vient à manquer les armes
nous tombent des mains. Pour animer les soldats
au combat on se sert de beaucoup d’instrumens,
outre les trõpettes, fifres & tambours, les cymbales,
les cistres, les fluttes, mesmes les poisles & les chaudrons
& toute la batterie de cuisine ont esté employez
autres fois par les plus belliqueuses nations
pour s’animer à bien faire quand on commençoit
la bataille : à nous rien n’est de si propre que le son
du, tindan balan, & le colitampon, pour nous faire
agir. Quand nous auons remply la panse & la bource,
nous sommes des foudres de guerre & ne cederions


page précédent(e)

page suivant(e)