POINT D’ARGENT POINT
de Suisse.
NOVS auons autrefois tesmoigné à Cesar la
grandeur de nostre courage, lors qu’estans
interrogés par ses Ambassadeurs si nous voulions
persister dans la resolution de combattre plutost
que de faire ioug à ses armes, nous leur fismes cette
responce que nous auions bien peur que le Ciel
tombast, mais non point que les Romains vinssent
aux mains auec nous. Cette generosité s’est tousiours
conseruée parmy nous, & bien que la pluspart
des actions les plus belliqueuses ayent degeneré
peu à peu de leur ancienne valeur estãt deuenuës
suiettes de ceux qui leur auoient obey, si est-ce
pourtant que nous auons conserué iusqu’à icy la
gloire de n’estre suiects de personne, & auons main,
tenant ce priuilege que de tous les hommes qui sont
sur la terre au monde, il n’en est point qui soient si
libres & si paisibles que nous. Les plus puissants Empereurs
apres auoir fait tous leurs efforts pour nous
vaincre nous ont declarés indomptables, & il n’est
point d’Estat auiourd’huy en toute l’Europe qui ne
se serue de nous pour se conseruer, & qui ne recherche
mesme auec grands frais nostre alliance. Depuis
que nos ancestres deffierent à Grançon le Duc de
Bourgogne auquel nous auions remonstré qu’il n’y