voix son innocence : la nature du crime ne souffroit
pas qu’il s’excusast auec silence, & dans la
moderation d’vn simple Cytoyen. En toute autre
occasion où on ne l’eust pas noircy d’intelligence
auec vos ennemis : Il sçait qu’il est obligé de proceder
enuers V. M. plustost par des soumissions
que par des raisons, & de luy rendre les témoignages
de son respect auant que de luy donner
aucun eclaircissement de son droit : Mais SIRE,
que cette pensée luy soit venue de rechercher
l’amitié de ceux qui ne demandent que sa ruine.
Il semble qu’elle le deuoit punir de mille morts
plustost que d’vne si mauuaise opinion, & croire
quand il seroit encore plus faché qu’il n’aura iamais
recours à des remedes pires que le mal : Tout
ce qu’il demande à V. M. est qu’il luy plaise
d’en choisir vn qui luy semble le plus glorieux
pour elle, & le plus cerain pour luy, en bouchant
l’oreille de bonne heure à tous ceux qui
n’en veulent qu’à son repos quand ils n’en veulent
qu’à ses principaux supposts.

A lors SIRE, il croira qu’il n’est rien de si assuré
que vostre amitié quand il sçaura qu’il n’est rien de
si certain que la mauuaise reception des persecuteurs
de sa gloire : Il n’estime pas qu’il luy faille
d’autres armes pour se deffendre d’eux, que le
mépris que vous faites de leur faux auis Ils garderont
s’ils veullent leur venin, pourueu que
V. M. le veuille couurir de leurs piqueures. C’est