Que s’il est vray de dire, qu’il n’y ait rien de si
retardé que vostre personne au monde ; Il est vray
aussi qu’il n’y a rien de si auancé que les productions
de son esprit ; c’est cette vigne de la fameuse
Isle de Naxe, qui rend les fruicts aussi-tost que
les fleurs, dont la montre surpasse encore l’attente ;
c’est vne lumiere naissante qui a donné le iour a
plus de peuples, & fait epanoüir plus de belles
choses, que celle du midy n’en fomente, & n’en
fait naistre au point de son eleuation.

Nous auons veu cette prudence de chair disparoistre
plusieurs fois, comme vn fantosme à la veuë
de l’intelligence, qui a pris le soin & le gouuernail
de vostre Empire ; toutes les raisons humaines
ont pris la fuite deuant cette cause inuisible
qui enchaisne vos ennemis, & qui preside auec
tant de succez sur l’ordre & l’œconomie de la chose
publique. Vostre Majesté n’estoit encore qu’vn
enfant, lors qu’elle faisoit son apprentissage sur la
fosse des lyons ; & se joüoit, comme dit l’Escriture,
sur la cauerne des aspics ; elle nous amena des
monstres auec vn filet ; & c’est cét esprit qui a esté
l’artisan de ces grandes choses ; c’est luy qui a eu la
force de deuancer des siecles entiers ; c’est luy qui
fait que vous ne conterez pas le premier jour de
vostre vie par celuy de vostre naissance, & qui ne
fera pas trouuer aussi le dernier dans celuy de vostre
vieillesse : les ennemis immortels de vostre