Anonyme [1651], OBSERVATIONS SVR VN DISCOVRS VENV DE COLOGNE. , françaisRéférence RIM : M0_2573. Cote locale : C_11_12.
page précédent(e)

page suivant(e)

-- 32 --

à ce mariage, sur lequel il fondoit l’establissement
de sa famille ; A quelles extrémitez ne se
portera pas cette Eminence qui a este poussée si
auant, puis qu’elle a payé si cherement les premiers
rebuts qu’elle ressentit : Cet escrit informe
estoit sans doute destiné pour estre publié
apres quelque coup aussi perfide, & le voyant
manqué pour ne pas perdre le plaisir de la publication
d’vne de ses productions, il l’a voulu
mettre au iour en bonne compagnie, & essayer
s’il ne reüssiroit pas comme la premiere fois :
Mais il ne tiennent plus le Lyon renfermé, le
peuple de Paris est desabuzé, & Monsieur le
Duc d’Orleans a aussi prudemment que courageusement
pris à cœur ses veritables interests en
soustenant ceux de son sang. Que Mazarin represente
à qui il voudra ses grands bien-faits,
dont l’enumeration est facille. S. A. n’ayant veu
la realité d’aucunes liberalitez si on luy fait justice
par vne restitution qu’on aduouë inuolontaire
& de mauuaise grace : Elle n’est pas pour
cela coupable d’auoit rentré en la possession de
son bien mal grasses ennemis. Il en a le gré
& le respect qu’il doit au Roy, sans s’estimer redeuable
aux Ministres qui n’ont pû l’empescher.

 

N’est-ce pas chose ridiculle de luy tenir en cõpte
échange du gouuernement de Bourgogne auec
celuy de Guyenne, qui n’a este fait que par vne



page précédent(e)

page suivant(e)