regne du feu Roy vn Italien abusant de son credit
voulut enuoyer au Parlement vne declaration
contre feu Monsieur le Prince pour le faire
declarer criminel, quoy qu’il eust pris les armes,
le Parlement y aporta des obstacles qui marquent
la consideration qu’il fait de la qualité des
Princes, & lors qu’on entreprit Monsieur le
Comte de Soissons, bien qu’on eust porté les lettres
en original par lesquelles on pretendoit que
ce Prince infortuné auoit tenté la fidelité de
quelques Gouuerneurs de places frontieres pour
luy estre remises, ayant déja ioint les troupes
d’Espagne & le General Lamboy, il n’interuint
neantmoins aucuns iugemens.

Que voit-on de semblable en la matiere ou
en la forme pour condamner si outrageusement
Monsieur le Prince, le Sceau du Roy ne paroist
point & la voix du Chancelier qui est la bouche
de sa Maiesté, quand elle parle à ces Cours
Souueraines n’a point prononcé cét acte qui ne
conclud rien que des menaces aussi indignes de
la Iustice d’vn Roy quelles seroient peu sceantes
à vn homme d’honneur en collere, cét esprit
n’a pas mesme la forme d’vne lettre ordinaire
qui puisse estre inserée dans le registre, & pour
les faits qu’il contient tout le monde les a trouuez
friuols lors qu’ils furent inuentés l’année
derniere, & depuis ont esté retractez par vne declaration