LETTRES DV CARDINAL
Mazarin au Roy, & à la Reyne, sur le suiet
de son retour en France.

SIRE,

COMME les bienfaits & les graces, dont ie
suis redeuable à la bonté du feu Roy, de glorieuse
memoire, & à celle de Vostre Majesté,
ont infiniment excedé le prix du peu de recompense,
qui pouuoit estre deuë aux seruices que
i’ay tasché de rendre à l’Estat : aussi m’estimay-ie
plus obligé qu’aucune autre des creatures, &
des sujets de Vostre Majesté, de les luy témoigner
iusqu’au dernier soûpir de ma vie. Et ces
considerations d’honneur, & de reconnoissance
se rencontrans d’ailleurs auec mon inclination,
ma passion & mon deuoir, ie m’estimerois
tout à fait indigne, non seulement du rang que
ie tiens dans l’Eglise, &, ce qui ne m’est pas moins
precieux, de l’affection & de l’estime dont Vostre

page précédent(e)

page suivant(e)