equel a voulu par vn accident si estrange & inoüy
manifester l’injustice de ceste condamnation extraordinaire.

La grande comette qui apparut sur la Ville de Paris
le 28. Nouembre en suiuant, & qui a esté prise par
tous les Astroloques pour le signe fatal de toutes les
guerres & desolations qui despuis ce temps la ont
affligé & affligent la France & les autres Estats voysins,
peut estre aussi prise pour vn signe de la colere
de Dieu allumée par ceste iniustice.

Mais en voycy encor vn indice bien sensible,
c’est qu’au mesme temps que le procés fust iugé la
diuision commença à se former entre la France &
l’Espagne ; car le Roy voyant que l’Espagnol s’estoit
fort auancé dans le Piedmond prés à mettre le
siege deuant la Ville d’Ast, à deux iournées de Thurin,
& qu’il tenoit desja Verseil, l’vne des plus belles
piecces que le Duc possede de ce costé là : Sa Majesté
y enuoya nombre de Trouppes sous la conduitte du
Comte d’Auuergne pour forcer le Roy d’Espagne &
le Gouuerneur de Millan de rendre à ce Duc ce qui
luy auoit esté pris.

En ce mesme temps le bruit courut en France que
le corps de ceux de la Religion pretenduë reformée
vouloit prendre les armes pour authoriser la reuolte
de Bearn : Ce bruit ne fut pas en vain, car on est venu
aux effets par les guerres qui se sont ensuiuies.

Voila de puissantes coniectures, lesquelles estant
bien considerées, peuuent nous donner vne raisonnable
persuasion que Dieu se tient offencé de cette
iniuste condamnation, & ce qui en peut fortifier encor
la croyance, c’est qu’en ce temps là commença
aussi la diuision de la Maison Royale, qui est encor
auiourd’huy le plus grand de tous nos maux, & l’vnique
obstacle à la conclusion de la Paix.

La Reyne Mere fust exilée, & euuoyée à Blois où
elle estoit tenuë comme prisonniere : mais elle trouua