Anonyme [1649], MOTIFS ET RAISONS PRINCIPALES DV PARLEMENT DE ROVEN, pour sa jonction auec CELVY DE PARIS. , françaisRéférence RIM : M0_2507. Cote locale : A_6_1.
page précédent(e)

page suivant(e)

-- 3 --

les secousses qu’elle reçoit tous les iours d’vn Ministre
estranger, qui a pour but de ses actions & pour fin de ses deportemens
l’aneantissement de cette Couronne qu’il a priuee
d’autant de diamans que la vertu & la fidelité des sujets de sa
Maiesté y en auoit attaché depuis deux censans, & qu’ainsi
cela soit, ie vous le monstre clair comme le Soleil ; personne ne
doute, que l’authorité d’vn Roy est d’autant moindre que celle
d’vn de ses sujets en approche : Les siecles passez nous en ont
fourny des exemples assez memorables que les historiens &
escriuains nous publient tous les iours, ils sont trop communs
pour les ignorer, & ce seroit chose inutile de les inserer icy. Or
est il que le Cardinal Mazarin Ministre de sa Majesté tres
Chrestienne, est vn seruiteur dont la grandeur approche de
celle du Roy son Maistre : ce qui se voit auiourd’huy plus que
iamais, & vous ne le pouuez pas nier si vous considerez que
c’est luy qui donne le bransle & le mouuement aux grands
& aux petits, conferant les benefices de l’Eglise, creant des
Generaux d’armées, establissant des Gouuerneurs dans les
villes & prouinces, bref exilant les vns, & r’appellant les autres
ne plus ne moins qu’vn Roy, selon que luy dicte sa phantaisie,
ou que ses interests le portent. Cela estant tres-certain
comme tout le monde en est tesmoin, que peut-on conclurre
autre chose sinon que l’authorité Royalle reçoit vn grand dechet
de la puissance sourcilleuse, arrogante & trop grande de
cét estranger, qui enfin causeroit indubitablement la totale
destruction de cét Estat que tout bon François doit empescher
de toutes ses forces.

 

2. Et c’est delà que nosdits Seigneurs ont tiré vn second
motif aussi tres capable de les induire à mettre ce [1 mot ill.]dans
l’eau pour l’esteindre, ou dans vn feu deuorant pour le consommer



page précédent(e)

page suivant(e)