Anonyme [1649], MEMOIRES ET PLAINTES Des Rentiers de l’Hostel de Ville de Paris, sur les contrauentions aux Arrests, Reglemens & Declaration du mois d’Octobre 1648. presentez à Nosseigneurs du Parlement. , français, latinRéférence RIM : M0_2447. Cote locale : A_4_1.
page précédent(e)

page suivant(e)

-- 16 --

Bourges, & Soissons, qui sont celles qui auoient esté affectées
au payement desdites rentes par Edicts & Declarations
du Roy des années 1638. & 1639. verifiées és Cours
souueraines, & que les Receueurs Generaux fassent leurs
sousmissions au Greffe de l’Hostel de Ville de payer, conformément
à la Declaration, les deux quartiers par preference
à la partie de l’Espargne.

 

Car les deux Generalitez de Moulins & d’Orleans, qui
ont esté abandonnées pour le payement desdites rentes, ont
esté vn veritable piege pour ceux qui y sont interessés, pour
plusieurs raisons.

La premiere est, que les peuples ne payent pas si facilement,
quand ils sçauent que la Generalité est entierement
affectée au payement des Rentiers, & que le Roy n’y a plus
aucune part.

La seconde raison est, que par ce moyen l’on a donné à
l’enchere ces deux Generalitez, & l’on sçait bien comme
tout s’est passé dans l’adjudication qui en a este faite, que les
Rentiers bien intentionnez s’y estans trouuez, & en ayans
voulu prendre connoissance, ils n’ont remporté que le déplaisir
d’estre mesprisez par ceux qui s’en sont rendus les maistres
par de tres-mauuais principes.

La troisiesme raison est, que les rentes n’estant assignées
que sur deux Generalitez, qui ne seroient pas mesmes suffisantes,
quand rien n’arriueroit d’extraordinaire, il se trouue
que le fonds en peut estre diminué par vne infinité de rencontres,
comme de la peste, de la guerre, & de la famine,
creations de nouueaux Offices, & surcharges de gages. La
Cour sçait mesmes que l’on crée souuent de nouuelles rentes,
sans en augmenter le fonds, comme il est arriué de celles
constituées à Frarin & autres par luy interposez, iusques à
deux cens mille liures, lesquelles ayant esté rayées par la
Chambre, comme mal constituées, il a obtenu de nouueau
Declaration pour faire restablir lesdites radiations, ausquelles
il y a opposition de la part des Rentiers.

La quatriesme raison est, qu’encore que les deux Generalitez



page précédent(e)

page suivant(e)