XIII.
Chaque Prince, Chrestien est obligé en Dieu & conscience,
sur peine de peché mortel de s’opposer à tous ceux
qui veulent détruire son Estat, de la conseruation duquel
il est responsable à Dieu par le iurement qu’il
en a fait és mains de l’Eglise en son Sacre.
Si quelqu’vn en doute il doit estre tenu pour
traistre à sa patrie.
XIV.
Celuy qui veut estre Monarque vnniuersel, & auoir
la Seigneurie de l’Europe proteste par ce dessein là
publiquement, & veut que tout le monde le croye
qu’il procure & recherche par toutes voyes possibles,
que tous les Roys, tous les Princes, toutes les Republiques
deuiennent ses sujets, & par consequent
que tous les Royaumes tant par succession comme electif,
que tous les Potentats vassaux où Sauuerains ;
que toutes Republiques, que toutes les villes & peuples
libres de l’Europe & vniuersellement que toutes
les dominations, autres que la sienne soient détruites.
Quand les Romains ont assuiety l’Vniuers, ils