MANVEL DV BON CITOYEN,
OV
BOVCLIER DE DEFENSE LEGITIME,
Contre les assauts de l’Ennemy.

IE sçay bon gré à nos Predicateurs de ne s’estre
point encore ingerez d’animer le peuple à la iuste
guerre où il s’est embarqué de luy-mesme par vne
legitime defensiue : Et de verité il ne faloit pas de
consultation, ny d’exhortation, où il n’y auoit pas
de doute. On me veut oster le pain & la vie ; ie le
conserue, ie la defends : Cela est naturel. Les hommes & les bestes
sont en possession de ce droict : Il est escrit dans le cœur de tous les
animaux auparauant le Decalogue, & la Loy des douze Tables. Mais
parce qu’il y a des esprits denaturez qui voudroient étouffer la lumiere
de cette verité, & qui se sont volontairement iettez dans vn
abbrutissement pire que celuy de Nabuchodonosor, par l’auersion
qu’ils ont de Dieu, & de toute humanité, il faut empescher que leur
contagion & leur exemple n’en attire d’autres qui ne sont pas encore
totalement corrompus. Car par malheur nous sommes d’vne legere
& inconstante nation, qui fait toutes choses par mode & par singerie,
sans considerer ce qui est vtile, ce qui est honneste, & conuenable,
Patience, si cet abus se terminoit aux habits, & s’il n’auoit lieu que
parmy la ieunesse de l’Academie, ou du Regiment des Gardes : Mais
nos vieillards mesmes, ausquels il sieroit bien de se tenir aux mœurs
anciennes, se laissent emporter au torrent du temps present, & changent
leurs glands & leurs cordons de chapeau à l’appetit & à la mode
des ieunes gens. Vn Barbier, vn Tailleur, vn Maistre à danser vn peu
entreprenans & inuentifs, vont changer toute la face de la Cour en
moins de huict iours, aussi facilement que Bellerose fera la Scene de
son Theatre. Depuis trois iours les femmes ont pris les manches de

page précédent(e)

page suivant(e)