Second Fondement.

Les Ambassadeurs de Catalogne ayant l’an 1644.
des instructions pour representer à sa Maiesté que
la perte de Lerida & autre succez diuers, naissoient
du peu d’assistance qu’on donnoit aux troupes dudit
sieur Mareschal de la Mothe, le Cardinal se
ressentit tant de cela, que par le moyen du sieur
de Marca, il obtint que l’on reuoquast ladite
clause aux Ambassadeurs, afin qu’en quelque
temps que ce fut, ne parut point la plainte de Catalogne,
que c’estoit faute d’assistance, & ce fust
alors que pour donner plus de chaleur aux soins
qu’il publioit auoir des affaires de Catalogne, il
fit imprimer vne liste des troupes & millions qu’il
disoit auoir enuoyé à ladite Principauté, où les
troupes furent beaucoup plus que celles qu’exprime
la liste, ou l’argent beaucoup moins, puis
que par faute de payemens, les mesmes vniuersitez
de Catalogne substanterent quelque temps
les troupes, pour remedier aux desordres qu’elles
faisoient.

Troisiesme Fondement.

Le sieur Mareschal de la Mothe, estant desia
sorty de Catalogne, le Cardinal fit nommer pour
Vice-Roy, le Comte d’Harcourt, & pour demantir
le peu de credit d’assistance qu’il auoit gagné au
temps precedent, & ainsi dissimuler d’auantage

page précédent(e)

page suivant(e)