MANIFESTE DV ROY DE LA
Grand’Bretagne, à ses Sujets du Royaume
d’Angleterre.
CHARLES R.
CHARLES second de ce Nom, par la
grace de Dieu, Roy d’Angleterre, d’Escosse,
de France & d’Irlande, Deffenseur
de la Foy, &c. A toutes personnes dans
nostre Royaume d’Angleterre, & la
Principauté de Galles, à qui ces presentes arriueront,
Salut : Nous ne sçaurions rappeller en nostre memoire
sans vne douleur & vn ressentiment indicible, ny exprimer
sans horreur, que nostre tres-cher Pere & Roy
CHARLES, de tres-heureuse memoire, a esté barbarement
& cruellement mis à mort par les mains de ces
traistres & rebelles sanguinaires, dans nostre Royaume
d’Angleterre, auec vn procedé & des circonstances si
prodigieuses, qu’elles portent plustost dans l’estonnement
que dans l’expression. Et quoy que nous ayons
semblé iusques à cette heure garder le silence dans vne
matiere qui nous regarde si hautement, n’ayant point
exprimé publiquement au peuple d’Angleterre la douleur
de nostre cœur, & la haute detestation de cet Acte
execrable. Toutefois estant à present arriuez en seureté
dans vne petite partie de nos Estats, l’Isle de IERSEY,
Nous auons trouué à propos, plustost d’icy, où nostre
authorité Royale est receuë, que des pays Estrangers,