Lettre à la Reyne pour la cause
publique, comme elle doit
chasser Mazarin.
MADAME,
Ie voudrois icy espargner vos oreilles, mais
la fidelité que i’ay vouée à V. M. pour vostre seureté,
& pour l’honneur de vostre conduite dans
l’Estat, me fait dire que vous sçauez aussi bien
que moy, que la voix publique dit, qu’vn seul
homme est la cause de tous les malheurs qui
sont arriuez, & bien d’autre qui nous menacent
d’vne entiere dissipation, & qu’il faut acheuer
le reste.
Madame, ie veux icy espargner ma plume,
pour ne vous point dépeindre les rigueurs de la
guerre, pauure France qui a cousté tant de peines,
& de millions d’hommes à ce grand Henry
IV. pour ta reparation, & maintenant il t’en
couste bien d’autrer auec l’argent, pour le plaisir
d’vn Ministre estranger, ce bon reigne n’est
plus, nous sommes tous en seruitude & esclauage,
ie veux, Madame, si le croyez que soit vn