COPIE D’VNE LETTRE
du Pere du Cardinal Mazarin
à son Fils,
De Rome du 25. Octobre 1648.
Tournée d’Italien en François par le Sieur de
Lionne, auec la response du Cardinal Mazarin
à son Pere.
Cette lettre auec la response qui suit, a esté trouuée par
vn homme de condition dans vne assemblée d’honnestes
gens, d’où le Sieur de Lionne, Secretaire de son Eminence
& de la Reine, venoit de sortir apres auoir monstré
le tout au Maistre de la maison en particulier ; C’est à dire
les originaux en Italien & la version. Il faut que par
mesgarde il ait laissé tomber la version, car il l’a cherchée
beaucoup de fois chez cét homme-là du depuis, mais il ne
l’a sçeu trouuer qu’apres que celuy qui l’a amassée, en eust
fait vne coppie bien collationnée à l’original.
Le Sieur de Lionne dit à celuy à qui il montroit ces lettres,
que son Eminence auoit fait la response à son pere en
Italien, & escrite de sa main propre toute entiere, & que
c’estoit là la version de cette response mot pour mot, & qu’il
estoit parti vn Exprez pour la porter à Rome, afin de satisfaire