Anonyme [1649], LETTRE DV ROY HENRY IV. en Bronze, du Pont neuf, A SON FILS LOVIS XIII. de la Place Royale. , françaisRéférence RIM : M0_2194. Cote locale : A_5_76.
page précédent(e)

page suivant(e)

-- 3 --

LETTRE DV ROY HENRY IV.
en Bronze, du Pont neuf, à son Fils
LOVIS XIII. de la Place Royale.

MON FILS,

Ie n’ay peu encore satisfaire ma curiosité depuis
le temps que i’ay remarqué auec de l’estonnement,
beaucoup de trouble dans l’action de ceux qui passent
pardessus ce Pont, & l’appareil extraordinaire où
les Citoyens m’ont paru : Ie les ay veu marcher armez
& animez, comme pour repousser genereusement
l’ennemy qui les voudroit assieger, & plusieurs bruits
de trompettes & de tambours de tous costez, m’ont
fait connoistre que dans l’enceinte de cette grande
Ville le calme auoit fait place au desordre ; ces Chanteurs
aussi qui si souuent m’importunent auec leurs
voix enroüées, ont (ce me semble) plusieurs fois esleué
le ton pour faire sonner les noms de quelques braues
Princes & vaillans Capitaines, esleuz de nouueau pour
Generaux des armées Françoises. Il est encore venu
iusques à mes oreilles les bourdonnemens de ces conteurs
de nouuelles, & veritablement, quoy que toutes
les autres fois ie les aye extremement mesprisez, l’ardeur



page précédent(e)

page suivant(e)