Anonyme [1649], LETTRE DV BON GENIE DE LA VILLE DE PARIS A CELVY DE COMPIEGNE SVR L’HEVREVX RETOVR DV ROY. , françaisRéférence RIM : M0_2081. Cote locale : B_1_22.
page précédent(e)

page suivant(e)

-- 3 --

LETTRE DV BON GENIE DE LA
Ville de Paris, à celuy de Compiegne, sur l’heureux
Retour du Roy.

IL me semble que si la ialousie peut auoir
quelque raison pour fondement, que la miẽne
est la plus iuste du monde, & que i’auois
droit de me plaindre que vous ayez esté si
long temps ma riualle, & que seule vous ayez possedé
l’vnique obiet de mes affections. Ie sçay bien que vous
pouuez vous vanter de porter vn nom latin qui signifie
abbregé : mais certes aduoüez que ie suis sans egalle,
& que si vous estes l’image de Constantinople, que
ie suis la nom pareille. Mais apres tout si i’auois à vous
faire quelque reproche, ie n’aurois qu’à vous dire que
cette illustre Pucelle de qui Dieu arma le bras pour
releuer le trosne des François, a esté trahie par vn de
vos Capitaines, & que vous auez fermé la porte à celle
de qui vous deuiez estre le glorieux azile. Mais ce n’est
pas là mon dessein & ie n’ay garde de vous dire des injures
en vn temps où ie n’ay que des benedictions à la
bouche pour le retour de mon ieune Monarque. Que
si l’on iuge de ma ioye par la tristesse que son esloignement
causa à tout mõ peuple, il est impossible de trouuer
vn nom qui la puisse exprimer, & toute la Rethorique
n’a point d’hyperbole qui ne soit bien au dessous
d’elle.



page précédent(e)

page suivant(e)