leur Souuerain. Ce que nous pensions deuoir representer
à la Cour en la presence de Monsieur le Duc d’Orleans, qui a
tousiours donné par ses actions l’exemple de l’obeyssance,
afin que ce qui n’est arriué iamais dans cette Compagnie,
d’authoriser la rebellion & la guerre Ciuile, n’arriue pas en
rencontre, dans lequel la Compagnie demeurant dans son
deuoir, doit trauailler à l’expultion du C. Mazarin par
les voyes qui sont honnestes & legitimes, & qui sont conuenables
à sa condition, sans se departir des voyes de respect, &
l’exemple de la fidelité que nous deuons monstrer à tous les
Peuples ; Et ont esté les Conclusions dudit Procureur General
données, & desquelles la teneur ensuit. Ie persiste aux
Conclusions par moy prises de viue voix, & par escrit ; Et
requiers qu’il soit incessamment trauaillé aux Remonstrances
cy-deuant ordonnées ; Et attendu les necessitez vrgentes
de l’Estat, qu’il sera presentement escrit au Roy pour offrir le
seruice, obeyssance & entremise de la Compagnie, & faire
ouuerture de quelque Conference d’aucuns Deputez d’icelle,
en l’occasion du peril present de l’Estat. Et pour remonstrer
audit Seigneur Roy, que le sejour du C.
Mazarin prés de sa Personne & dans ses Conseils, est la cause,
la matiere, & le pretexte de tous les maux dont l’Estat est
affligé, & de la suittte de plus grands dont il est menacé ; Et
que l’esloignement dudit Cardinal est le plus prompt & le
seul remede pour y paruenir : Et qu’outre sous le bon plaisir
du Roy, il sera escrit à nostre sainct Pere le Pape, pour le prier
d’auoir esgard aux mal-heurs de la France, & de la Chrestiẽté,
& d’interposer son Authorité pour rappeller ledit Cardinal
Mazarin, & le faire sortir hors le Royaume, & cependant
requiers que les Ordonnances du Royaume seront gardées
& obseruées pour la leuée & conduitte des Gens de guerre :
Deffenses à toutes personnes de quelque qualité & condition
qu’elles soient, sous quelque pretexte qui ce puisse estre,
d’y contreuenir sous le peines portées par icelles ; Et que tant
sur mes precedentes que sur les presentes Conclusions, il sera
deliberé toutes autres affaires cessantes. Signé FOVQVET,
Fait en Parlement an & iours susdit.