Anonyme [1649], LETTRE BVRLESQVE A MAZARIN. , françaisRéférence RIM : M0_1816. Cote locale : C_4_42.
page précédent(e)

page suivant(e)

-- 8 --


Ce ieune Enfant que vous volez,
Ce Roy que vous ensorcelez,
Cet innocent, & ce pupille
Que vous tenez hors de sa ville,
Que vous menez dans les dangers,
Prez la terre des Estrangers,
Dont la personne est engagée
De dans vostre main enragée
De posseder & de tenir
Ce qui leur doit appartenir
Mais que dis-je ? ie me transporte,
Il ne faut parler de la sorte,
Puis que vostre Eminence peut
Plus mesmement qu’elle ne veut,
Et que nostre bien despend d’elle,
Eminence chere & fidelle
Venez donc auec nostre Roy,
Venez arrester cet effroy
Qui nous fait pallir le visage,
Donnez-nous quelque bon presage
Par son œil si cher & si doux
Que vous cherchez du bien pour nous.
Venez arrester le mensonge
Dont tousiours le peuple se ronge
Que vous voulez recommencer
Dans peu de iours à nous forcer.
Ramenez la Cour & la Reine,
Ramenez-nous nostre Souueraine,
Rendez les Princes du Sang,
Que chacun reprenne son rang,
Et quand tout sera dans la ville,
A l’heure que l’aze vous quille.

 

FIN.



page précédent(e)

page suivant(e)