cete charge à M. le Prince qui n’en enuioit pas la possessiõ à la Reyne
la laisser arracher à la crainte des menaces de la Fronde, on sçait
bien qu’apres la prise de Dunquerque la modestie auec laquelle
Monsieur le Prince s’en expliqua embarassoit des gens à qui si l’on
demande on est importun, si on ne dit mot, on a de mauuais desseins,
combien de differentes propositions luy a t’on fait pour le
recompenser en places ou domaines en charges, mesme celle de
Connestable qui a esté presque hereditaire à la maison de Montmorency,
dont il y en a eu vn Regent en France, a esté mis sur le
tapis en reseruant l’Admirauté à Mancini. Quand Monsieur le
Prince en a ouy parler, il n’a iamais crut que Monsieur le Duc d’Orleans
s’en peut formaliser, la defference qu’il a pour son Altesse
Royale a esté tousiours trop respectueuse, & tant s’en faut qu’il
eut pensee de le choquer en sa qualité de Lieutenant general des armées
du Roy, qui fait partie de la Regence, que luy mesme comme
Chef du Conseil & premier Prince du Sang, pretendroit commander
durant la Regence à vn Connestable qui peut n’estre
qu’vn simple Gentilhomme, au merite duquel on ne la iamais enuié,
le torrent d’injures du Genealogiste va plus auant, il blasme
insolemment d’orgueil vn Prince en qui iamais particulier n’a
trouué ny refus ny froideur quand on la reclame, la lettre du Roy
repete assez souuent dans vn sens contraire, l’application que son
inclination bien-faisante prenoit à se faire des creatures & leur
procurer du bien ou des graces si dans le Conseil on ne pouuoir resister
ne luy contredire, ce n’estoit pas l’impetuosité de son genie
assez retenu par la presence de leurs Majestez, mais la force de son
raisonnement, sa penetration dans les affaires, la solidité de ses
aduis fondez sur vne cognoissance vniuerselle & vne experience
acheuée qui entraisnoient par sa persuasion, ceux qui ne pouuoit
luy opposer que fourbes que trahisons secrettes & vne basse & foible
subtilité ! Helas le precipice où il est tombé n’est pas l’effet de
son orgueil ny de son ambition, c’est plustost de sa bonté & tendresse
enuers les peuples, on a veu qu’il protegeoit vne grande ville
contre laquelle les Ministres estoient acharnez moins pour les fautes
qu’on luy imputoit & qu’on a monstré depuis qu’on dissimuloit
que par vne plus forte passion d’en faire vn exemple pour Paris, &
auoir [1 mot ill.] d’en tirer vne consequence fatale & funeste aux autres
Parlemens, ce n’est pas vn des moindres motifs de sa captiuité, c’est

page précédent(e)

page suivant(e)