Et c’est dans le commencement,
Que lon apprend le Rudiment :
On y decline, on y compare,
Et par vne mode fort rare,
On n’y coniugue que fort peu,
Car plusieurs fois on est deceu,
Et frustré de son esperance
Qui meut auecque violance
L’esprit, & tourmente le corps,
Par des pernicieux accords,
Si bien qu’il est fort difficile
Au Courtisan le plus habile
De coniuguer bien en ce temps,
Et de rendre ses vœux contens
S’il n’est du pays d’Italie,
Ou qu’au Mazarin ne se lie,
Par vn bon-heur le nompareil
Afin qu’il soit veu de bon œil.
Dans la Cour on a de coustume
De comparer dans l’amertume
Comme dans la felicité,
Chacun a de la vanité,
Pour se comparer, & se rendre
Esgal, & parent d’Alexandre,
Des Cesars & des Scipions,
Et des sages Amphytions,

page précédent(e)

page suivant(e)