Anonyme [1649], EXHORTATION DE LA PVCELLE D’ORLEANS, A TOVS LES PRINCES DE LA TERRE, DE FAIRE vne Paix generale tous ensemble, pour venger la mort du Roy d’Angleterre, par vne guerre toute particuliere. , françaisRéférence RIM : M0_1329. Cote locale : A_2_64.
page précédent(e)

page suivant(e)

-- 3 --

EXHORTATION DE LA PVCELLE
d’Orleans, à tous les Princes de la terre, de faire
vne Paix generale tous ensemble, pour venger
la mort du Roy d’Angleterre, par vne guerre
toute particuliere.

ESTANT âgée de dix-huit ans, ie fus autrefois
enuoyée de Dieu en France à Charles VII. pour
conseruer son Estat, & pour luy remettre la Couronne
sur la teste, que le barbare Anglois s’efforçoit
de luy oster en vsurpant ses terres : mais à present
ie descends du Ciel auec la Themide Astrée, pour donner
vn aduis salutaire à tous les Souuerains du bas monde.

Au temps que le Siecle de Fer s’estant chargé de tous les
vices des Siecles passez s’en estoit rendu l’amas ; & qu’en embrassant
toute sorte d’impieté, il auoit chassé la Verité, la Honte
& la Foy, pour cherir en leur place, l’Effronterie, les Ruses,
les Trahisons, la Violence, & l’execrable desir d’Auoir, dont la
soif ne se peut esteindre. Au temps, dis-ie, que la pieté : ensemble
& la pitié couchées par terre, estoient foulées aux
pieds : la Iustice apres auoir resisté plus long-temps icy bas de
toutes les diuines Vertus, contre la violence de tous les vices,
fut enfin forcée d’abandonner la terre pour se retirer dans le
Ciel, où elle pouuoit pour lors seulement trouuer de la seureté.
Et aujourd’huy que l’impieté sans borne, s’est débordée si outrageusement
dans l’Angleterre, qu’il ne luy suffit pas de s’estre
acquis la Souueraineté de cette grande Isle : mais qu’elle a suscité
d’autres Geants, lesquels bouffis de presomption, veulent
planter leur Siege sur le Throsne des Roys ; & quoy qu’ils ne
soient qu’enfans de la terre, se veulent seoir dans le Siege des
Dieux, en massacrant plus que brutalement les basses Diuinitez,



page précédent(e)

page suivant(e)