Anonyme [1649], LES PRESSANTES EXORTATIONS DE L’EVROPE, AVX QVATRES MONARCHIES Chrestiennes, & autres Etats de son Empire, pour la paix vniuerselle, & l’vnion de leurs armes, pour la destruction de l’Empire Ottoman. , françaisRéférence RIM : M0_2863. Cote locale : A_6_74.
page précédent(e)

page suivant(e)

-- 8 --

cette superbe victoire, pour des raisons qui nous
sont inconnuës, & dont ce puissant autheur de
tout, s’en est reserué à luy seul la connoissance.

 

Ceux qui sont assuiettis sous l’Empire de ces
Tyrans mal-heureux, se doiuent representer pour
leur consolation, que bien souuent il arriue
qu’encore qu’ils soient tres-impies, & tres meschans,
qu’ils ne laissent pas d’estre neantmoins
les ministres de Dieu. Nous voyons que la Sainte
Escriture en plusieurs lieux, les nomme les seruiteurs
de Dieu ; & c’est pour cela asseurement,
que par eux, ce tout puissant chastie les mauuais
& approuue les bons.

Les Hebreux ayant été gouuernez par Iuges
& anciens, Samuel étant deuenu vieil, & le peuple
croissant en malice & méptis de Dieu, il leur
fut donné des Roys qu’eux mesmes demanderent
inocemment pour le chatiment qu’ils meritoient.
Leur premier Roy Saul, leur fut fort bon
fort doux, & fort debonnaire Prince du commencement :
mais depuis il deuint cruel Tyran,
& leurs ostoit leurs biens & leur liberte, comme
bon luy sembloit. Neantmoins quoy qu’il fust
mechant & adonné à toutes sortes de vices, si est-ce
pourtant qu’il estoit nommé l’oingt du Seigneur,
qui étonna grandement tous les Hebrieux.

De ce Prince, & des autres qui ont vescu sous
la loy de Dieu, & l’ont connu, venons aux idolatres,



page précédent(e)

page suivant(e)