d’où à peine nous auions receu la nouuelle
de la deffaite de l’auantgarde des troupes
Mazarines, que le Courier enuoyé à son
Altesse Royale, nous donne aduis d’vne seconde
victoire d’autant plus glorieuse &
considerable, que le nombre des morts &
du butin est grand, & qu’elle a esté remporté
à la barbe, & malgré la vigoureuse resistance
des deux Chefs du party Mazarin, en
voicy le détail.

Le Mareschal de Turenne desirant reparer
la perte qu’il fit le 27. de ce mois, d’vne
partie de son auantgarde taillée en piece à
l’attaque d’Estampes ; ayant fait élite des
plus lestes & mieux resolus de l’armée qu’il
commande, en composa vn Corps de deux
mil cinq cens Cheuaux, des Regimens de
Picardie, Champagne, Nauarre, des Suisses,
& le reste du Regiment des Gardes, le
tout faisant cinq à six mil hommes, auec
lesquels s’estant auancé à vne demie lieuë
de ladite Ville, de laquelle Monsieur le Baron
de Clinchan estoit esloigné enuiron la
portée du canon, auec vn Corps composé
des Regimens de Valois de Condé & d’Enguien,
de celuy de Mademoiselle, & de trois