suiuant la Declaration enuoyée
pour ce sujet, où apres quelques deliberations,
la Cour s’estant leuée sur les dix à vnze
heures, l’Assemblée fut remise au lendemain.

Ce jour Samedy treiziéme dudit mois
d’Avril, toutes les Chambres, en presence
de sadite Altesse Royale, & de Messieurs les
Princes de Condé, & Duc de Beaufort,
ayãt este assemblées iusqu’à vne heure apres
midy, sur le sujet de la deliberation du jour
precedent, la Cour donna Arrest : par lequel
il est dit, que Messieurs les Princes seront
suppliez de la part de la Cour de se
trouuer en l’Assemblée de la ville de Paris,
pour disposer ladite Ville à se joindre auec
eux, & ladite Cour, & dresser leurs Remonstrances
vers sa Majesté, pour la supplier,
attendu que le retour du Cardinal
Mazarin est la cause de tous les troubles &
les desordres de toute la France, de le faire
éloigner & sortir le Royaume.

C’est ainsi que nous voyons le temperament
& la prudence de cét illustre Senat,
qui demeurant toûjours dans les bornes du