[illisible] la mesme Assemblée de la
[illisible] de l’heureux succez de l’armée
de son Altesse Royale, & des auantages
remportez sous la prudente conduite de
Monsieur le Prince de Condé, sur les troupes
commandées par le Mareschal d’Hoquincourt,
lesquelles ayant seruy d’escorte
au Cardinal Mazarin lors de son retour en
Frãce, & sur qui ce Tyran fondoit l’esperance
de son restablissement & de la desolation
de nos Prouinces, ont esté entierement defaites,
de quoy l’assemblée témoigna autant
de joye, que luy peut permettre la douleur
& la compassion que chacun doit auoir de
la perte des François, assez aueuglez, pour
s’estre sacrifiez pour la defense de celuy,
dont les desseins ne tendent qu’à leur
ruine.

Ce mesme iour sur les cinq à six heures
du soir arriuerent en cette Ville Messieurs
les Princes de Condé & Duc de Beaufort
(qui ces iours passez cõduisit Mademoiselle
dans Orleans, de laquelle Ville cette Princesse,
par vne adresse & generosité qui surpasse
son sexe, s’est entierement renduë
Maistresse, en suite du mauuais traitement