qu’y receurent le sieur de Champlastreux,
& le fils du Surintendant des Finances, qui
vouloient persuader aux habitans de receuoir
la Cour, & le Cardinal Mazarin, lesquels
furent accueillis de son Altesse Royale
hors de la Ville, & proche de Ville-Iuifue,
où sadite Altesse ayant mis pied à terre pour
embrasser lesdits Princes, & leur témoigner
la joye qu’elle auoit de les voir victorieux,
ils remonterent tous à cheual, & suiuis d’vn
grand nombre de Noblesse, de Carrosses, &
d’vne foule incroyable de peules, ils se
rendirent au Palais d’Orleans toutes les
ruës par où ils passoient retentissans de cris
de viue le Roy & les Princes, & des témoignages
de l’allegresse que causoit leur retour.

Le lendemain Vendredy douziéme dudit
mois, la Cour s’assembla derechef, où assisterent
son Altesse Royale, Monsieur le
Prince de Condé, & Monsieur le Duc de
Beaufort ; où il fut mis en deliberation,
sçauoir si l’on deuoit enuoyer en Cour les
charges & informations, sur lesquelles le
Cardinal Mazarin a cy-deuant esté condamné,