Anonyme [1652], LES PARTICVLARITEZ DE CE QVI S’EST FAIT & passé en l’Assemblée de la Maison de Ville, pour l’Election de Monsieur de Brusselles, à la charge de Preuost des Marchands, le sixiéme Iuillet 1652. , françaisRéférence RIM : M0_2704. Cote locale : B_19_21.
page précédent(e)

page suivant(e)

-- 6 --

fort pour Monsieur maistre Pierre de Brusselles,
Conseller du Roy en sa Cour de Parlement,
& grande Chambre, ledit sieur de
Brusselles fut éleu pour faire cy apres les fonctions
de ladite charge, de laquelle ce Sage
Senateur s’estant plusieurs fois excusé, tant
pour son aage, que pour d’autres raisons que
la modestie luy fit alleguer, il fut toutefois
obligé de l’accepter, au grand contentement
de toute l’Assemblée, à laquelle il presta en
suitte le serment, & le receut pareillement
des Escheuins, & autres Officiers de Ville.

 

La nouuelle de cette Election, dont le
bruit a répandu la ioye dans tous les endroits
de cette Ville, fut portée à son Altesse Royale,
qui estoit demeurée en son Palais d’Orleans,
& qui la receust auec vn plaisir extréme,
ce que voulant temoigner elle le rendit
en la Maison de Ville afin d’agréer ladite élection,
ce qu’a fait aussi Monsieur le Prince de
Condé. Quant aux Escheuins, il n’y en a
eu aucun de changé, le temps de leur charge
deuant expirer auant six semaines, & tous
ayans temoignez receuoir tant de satisfaction
de l’Election dudit sieur de Brusselles,
que nous pouuons esperer qu’ils regleront



page précédent(e)

page suivant(e)