Motifs de la retraite de Monsieur le Duc de
Beau-fort, ne sont pas ceux que quelques vns
pourroient s’imaginer ; à sçauoir ou la crainte
de paroistre en public ; puis que la Victoire, a
esté du costé le plus iuste, ou la Religion. Celle
cy opposée à la superstition ne tire point l’homme
hors du deuoir. Ce n’est point l’Esprit de
Dieu qui persuade les hommes d’abandonner
ceux que la Pieté oblige de deffendre. Les
Anciens Idolatres, ont authorisé les Sacrifices
les plus Barbares, croyant appaiser leurs Dieux,
egorgeant sur leurs Autels les plus Innocentes
victimes.

Tantum religio potuit suadere malorum.

Mais il s’est voulu sequester pour vn temps
afin de prendre de luy mesme des consolations
que les autres ne luy pourroient donner, & digerer
à loisir l’aigreur que ce coup fatal luy a
laissé dans son esprit.

Voyla les veritables Motifs qui ont porté ce
Heros à se retirer pour vn temps ; & comme
tous les momens de sa vie nous sont pretieux,
aussi cette absence nous semble déja trop ennuieuse,
nous le verrons aussi au premier iour
donner autant d’espouuante aux ennemis, qu’il
causera de joye à ceux qui ne respirent que par
luy & pour luy.

FIN.