Les Mestiers de la Cour.
LE Roy & Monsieur son Frere estant trop
ieunes pour estre occupé, on a resolu de
les mettre à l’aumosne de leur Parroisse, comme
gens qui ne peuuent gaigner leur vie.
La Reyne qui est ennemie mortelle de la
gueuserie, est resoluë plustost que de se voir reduitte
à faire vne histoire veritable de la fable
d’Erisiction.
Monsieur le Cardinal prenant Conseil de ses
amis pour la vacation qu’il luy est la plus propre,
les vns luy disent qu’il vende des glands, puis
qu’il les debites de si bonne grace. Les autres
luy cõseillent qu’il se fasse meusnier luy asseurãt
qu’il y a toute sorte d’auantage, veu la grande
quantité d’asnes qui sont à sa suitte : pour moy
i’approuueray fort l’aduis qu’on luy donne puisque
c’est verifier le Prouerbe d’Euesque meusnier.
Monsieur le Duc d’Orleans ordinairement
incertain dans ses resolutions à esté longs temps
en doute s’il ce feroit vielleur, marchand de
siflets, ou lauandier, mais enfin c’est à ce dernier