principal lustre, & de la communication qu’elle
a par ce moyen auec les Prouinces dont
elle tire son principal, & mesme pour cét effet
pour ruiner insensiblement la iurisdiction
du Parlement, & diuertir d’autant mieux les
parties de venir à Paris s’y pouruoir, il ne tiendra
pas à luy ny à ses adherans que le Conseil ne
ne prenne à l’aduenir connoissance de toutes
matieres contentieuses, nonobstant toutes Declarations
au contraire ainsi qu’il auoit commẽcé
de faire par le passé. C’est pour ces considerations,
aussi qu’il n’a pas voulu souffrir que la
Reine se soit obligée par les articles de paix de
ramener le Roy dans Paris à present, ayant simplement
promis de le faire, lors que les affaires
de l’Estat le permettront, qui est à dire iamais
qu’ils n’ayent fait vn chastiment exemplaire des
Parisiens (ce qu’ils disent absolument necessaire
pour le bien de l’Estat) & qu’ils pretendent de
faire tost ou tard, lors qu’ils en trouueront le
moyen. En second lieu, il est certain que pour
assouuir son insatiable auarice, ne pouuant plus
tirer d’argent des Prouinces, à cause de l’extreme
pauureté dans laquelle elle se trouuent reduites.
Il introduira tous les iours de nouueaux
moyens pour en retirer de Paris, où s’il n’en peut
venir à bout par là, il le fera inuestir & bloquer de

page précédent(e)

page suivant(e)